Gaur eguneko belaunaldiei tresna digitalen erabilera alternatiboak erakutsi behar zaizkie. Horregatik, erabilera on baterako orientazioa eta ezagutza zabaltzeko pauta batzuk aurkezten ditugu. 

Konpetentzia digitalak eta teknologikoak lantzeko ezinbesteko elementuak dira webguneak, datu eta informazioaren kudeaketa hobea egin dezakegulako. Weben bitartez kontsumitzaile digital izatetik sortzaile digital izatera pasatzeko aukera dugu.

Etxean, ikastetxean, kalean edota gizartean dauden arazoak identifikatu eta jendearen beharrak asetzeko sortuko dugu webgune-proiektua. Bideo honetan, arazoen identifikaziorako metodologia landuko dugu.

Ezinbestekoa da hartzailearen ezaugarriak eta beharrak ezagutzea. Ikerketa ariketa bat aurkezten dugu; arazoa ulertu, elkarrizketak egin, behatu eta beharrezko informazioa jasotzeko.

Webgunea sortzen hasi baino lehen, hirugarren pausu bat ematea beharrezkoa da. Identifikatutako arazoaren aurrean, ideia ezberdinak pentsatu eta konponbidea zehaztea dagokigu.

Beharrezkoak dira domeinua eta hosting-a webgune bat sortzeko. Bideo honetan bi elementu hauek azaltzen ditugu.

Domeinua eta hosting-a doan eskuratzeko pausuak eskuragarri dituzu.

Ba al dakizu zerbait lizentziei buruz? Bideo honen bidez Egileen Eskubideen eta lizentzien inguruko argibideak eskaintzen ditugu.

Lehenengo pausua WordPress instalatzea da, gure lan tresna izango da eta.

Lehiaketaren oinarrietan agertzen diren puntuez gain, online ditugun tresna hauek erabiltzea gomendatzen dugu, adierazle objektibo komun batzuk izateko. Balorazio orokor batez gain, hainbat aldagai, puntuz puntu ebaluatuko dizkigu, hobetzeko ideia batzuk eskainiz.

Sinboloz, letra xehez eta larriz eta gutxienez zortzi karakterez osatutako pasahitzez inguratuta gaude. Etengabe ari dira sortzen zibersegurtasunarekin erlazionatutako tresna berriak, hala nola, webguneak seguruak izan daitezen. Horregatik, gure webgunearen segurtasuna bermatzeko zenbait gomendio jaso ditugu gida honetan.

Erabiltzaile bat baino gehiago kudeatzeko jakin beharreko guztia aurkituko duzu atal honetan.

Batzuk pluginen beharra izango dute, beraz, hemen dituzue jarraitu beharreko pausuak.

Pauta batzuk emango ditugu orrialdeak eta bidalketak ondo kudeatzeko.

Prototipaziotik webgunea pertsonalizatzera joango gara. Orain paperetik kodera pasa beharko dugu guztia pausoz pauso.

Gure webgunea nolakoa izango den pentsatzen hasiko gara.

Txantiloi batekin hasiko gara, beraz, daudenen artean bat aukeratu beharko dugu. Horretarako gure webgunearen beharrak eta diseinua ikertu eta prototipatu beharko dugu.

Behin instalatuta, tresna martxan jartzeko lehen argibideak aurkituko dituzu.